Link: Tribune Libre – Ni mat Riets
Taina:
Rietsradikal Ideologië si kee Relikt aus der Vergaangenheet
si sinn eng reell a brandaktuell Gefor fir eis Demokratie.
D’Demokratie steet ënner Drock:
Nach ni goufen an de leschten 20 Joer
esou wéineg Staaten
demokratesch regéiert
wéi haut!
Mär erliewen e Réckgang bei de Fräiheeten,
bei der Gläichstellung
a bei de sozialen Errongeschaften.
An den USA zum Beispiell,
do gesi mär grad
wéi den Donald Trump
demokratesch Institutiounen a Prinizippien futti schléit,
fir esou seng Muecht ze sécheren.
Mee och an Europa gesi mär,
wéi riets-autoritär Politiker,
den Orban an Ungarn ass ee Beispiell,
d’Pressefräiheet aschränken,
d’Grondrechter a Fro stellen,
d’Gewaltentrennung schwächen,
an duerch Desinformatioune geziilt probéieren
eis Gesellschaft ze splécken.
An dësem Prozess spillen och d’Sozial Medien
eng dominant Roll,
virun allem, mat hierem Afloss op déi Jonk,
Maurice.
Maurice:
Jo, Plattforme wéi X
sinn enner dem Musk eng Spillwiss ginn
fir Haass, Hetz a Rassismus.
Ënner dem Deckmantel vun der Meenungsfräiheet
ginn hei Desinformatioun an demokratiefeindlech Propaganda verbreet.
Rietsextreemer a Populisten
notzen op dës Manéier sozial Medien,
fir Minoritéiten ze diffaméieren
an e Klima vun der Angscht ze schafen.
Nationalismus, Verschwörungstheorien a geziilt Desinformatioune
si leider kee Randphänomeen méi,
mee dränge sech ëmmer méi an de Mainstream.
Se ënnergruewen d’Grondwäerter vun eiser Gesellschaft:
Fräiheet, Gläichheet a Gerechtegkeet.
Taina:
Dat si Wäerter
fir déi eis Partei, d’LSAP,
zënter iwwer 120 Joer fest asteet a kämpft.
Mär sinn duerfir houfreg
ëmmer op der richteger Säit vun der Geschicht
gestanen ze hunn
an do wäerte mär och an Zukunft stoen!
Ouni Kompromësser!
Dofir ënnersträiche mär nach eemol:
Ni mat Riets!
D’LSAP distanzéiert sech kloer vu Riets.
Nimools
wäerte mär eng Zesummenaarbecht mat hinnen agoen,
Nimools op nationalem Niveau,
Nimools op kommunalem Niveau.
Maurice:
Demokratie ass keng Selbstverständlechkeet.
Angscht ass de grousse Feind vun der Demokratie:
Angscht net méi iwwer d’Ronnen ze kommen.
Angscht net méi mat ze kommen,
op der Säit leie gelooss ze ginn.
Angscht virun der Zukunft,
Angscht, datt et senge Kanner nach méi schlecht goe wärt, ewéi engem selwer…
Dës Ängscht dreiwen d’Leit bei déi Riets.
Dës Ängscht doen se d’Lige vu Riets gleewen.
An déi Riets an d’Populiste wëssen dat,
Si spillen domader, notzen et aus.
Et ass eis Aufgab dogéint firzegoen.
Mär därfen net nokucken,
mär musse reagéieren,
Alternativen ubidden an op d’Probleemer vun de Leit agoen.
Mär mussen de Leit Perspektive weisen,
Mär mussen de Leit ërem Hoffnung maache
Hoffnung fir muar!
Taina:
De Leit erem Hoffnung maachen, heescht :
hinnen d’Angscht ewech huelen.
De Leit weisen,
datt et e bessere Wee gëtt, e Wee an eng besser Zukunft.
Dat kënne mer awer nemmen all zesummen maachen –
d’Gesellschaft muss duerfir zesummen halen,
solidaresch sinn.
Duerfir därfe mär de Rietsen
op kee Fall den Terrain iwwerloossen,
weder online,
nach op de Stroossen,
nach an eiser Chamber.
An dowéinst maache mär,
d’LSAP,
eng amibitiéis Politik,
fir d’sozial Gerechtegkeet,
fir d’Gläichheet,
fir eis Demokratie,
fir eis Wäerter .
Ni mat Riets ass keng Floskel
et ass eng Iwwerliewensfro fir eis Demokratie!
