Relais pour la vie – LSAP #zesummen

Léif Komerodin, léiwe Komerod,

De Weekend vum 26. a 27. Mäerz ass de Relais pour la vie 2022. D’Solidaritéit mat de Leit, déi vum Kriibs betraff sinn, steet hei am Virdergrond. Och mir als LSAP maache bäi dësem Evenement mat fir all d‘Leit ënnerstëtzen, déi géint dës schwéier Krankheet kämpfe mussen oder e léiwe Mënsch duerch de Kriibs verluer hunn.

Dofir siche mir Leit, fir eng LSAP #zesummen – Ekipp.

• Wéi kann ech matmaachen?
  1) Du wëlls eleng oder mat KollegInnen eng gewëss Zuel u Kilometer goen oder lafen? Da mell Dech iwwert info@lsap.lu un, a schéck eis eng Foto, déi mir fir eng Social-Media-Aktioun benotze kënnen.
  2) Du wëlls de 26.03 mat Dengen/Denger LSAP-KomerodInnen #zesummen lafen oder walken? Mir treffen eis Samschdes-Moies um 10:30h um grousse Parking op der Kockelscheier. Mell Dech och heifir iwwer info@lsap.lu
  3) Du kanns net selwer aktiv bei dëser Aktioun matmaachen, mee wëlls Dech awer solidaresch weisen? Keen Problem: iwwert LSAP #zesummen (relaispourlavie.lu) kanns Du eis als Ekipp, a soumat d’Cause vum Relais pour la vie mat engem Don ënnerstëtzen.

Fir all SportlerIn, deen/déi sech via eis Emailsadress mellt, iwwerhuele mir als Partei d’Inscriptioun, grad ewéi déi 15€ Participatioun.

Mir wëllen an dësem Kontext och nei LSAP-T-Shirten bestellen, déi dir de 26.03 sur place verdeelt kritt, oder am Generalsekretariat (op Rendez-vous) kënnt ofhuelen.

Komm, mir weisen eis #zesummen solidaresch. Mir zielen op Dech!

Léif Gréiss,

D’Organisatiounsekipp Francine Closener & Dan Biancalana