Nodeems d’Deputéiert a Schäffin Simone Beissel sech fir hir menschenrechtsonwierdeg Äusserungen a Falschaussoen am Zesummenhang mat Mënschen déi heeschen am Kader vun hirer Sendung “Riicht eraus” op Facebook entschëllegt huet, huet d’Stater Sektioun an engem Communiqué reagéiert. Mir stëllen a Fro op dës Entschëllegung duer geet, virun allem well dës verwerflech Aussoen net am Affekt geschitt si mee am Kader vun enger eegener Emissioun, wou Inhalt, Schnëtt a Verëffentlechung selwer bestëmmt ginn. Mir froen eis och wéi eng Konsequenzen dës mënscheveruechtend Aussoe vun enger ëffentlecher Persoun an der Ëffentlechkeet kënnen hunn an op sech déi Verantwortlech doriwwer bewosst sinn, dass et dozou féiere kann, dass Diskriminatioun salonsfäeg gëtt?
